ယေရှုပြန်ကြွလာခြင်းကို တောင့်တခြင်း

ကျွန်မငယ်စဥ်က အမေရိကန်အခြေစိုက် Chick-fil-A စားသောက်ဆိုင်၌ အာလူးကြော်နှင့် လက်ဖက်ရည်အေး သွားသောက်ရသည်ကို နှစ်သက်ခဲ့သည်။ အရွယ် ရောက်ပြီး အခြားပြည်နယ်သို့ ပြောင်းသွားသောအခါ မိုင်ရာချီသော နေရာတစ်လျှောက်ထိ ထိုဆိုင်မရှိခဲ့၍ အံ့သြခဲ့ရသည်။ကျွန်မတို့က မိသားစုခရီးထွက်လျှင် Chick-fil-A ၌ ရပ်နားနိုင်အောင် လမ်းကြောင်းများပင် ဆွဲခဲ့ဖူးပြီး၊တစ်နေ့နေ့တွင် အိမ်အနီး၌ ဆိုင်တစ်ဆိုင်ဖွင့်လေမလားဟု မျှော်လင့်ခဲ့သည်။

တစ်စုံတစ်ရာကို တောင့်တခြင်းကို ကျွန်မတို့အားလုံး ကြုံတွေ့ဖူးသည်။ တစ်ခါတရံ၌ အကြိုက်ဆုံး စားသောက်ဆိုင်ကို တောင့်တခြင်းကဲ့သို့သောအရာမျိုးက အမှန်တကယ်မလိုအပ်ပါ။ တစ်ဖန် အခြားအချိန်များတွင် ပိုမိုနက်နဲသော ကျွန်မတို့အရူးအမူး တောင့်တမှုများလည်း ရှိတတ်ပြန်သည်။

ဖိလိပ္ပိယုံကြည်သူများထံ စာရေးရာတွင် ပေါလုက ခရစ်တော်ပြန်ကြွလာခြင်းနှင့် နိုင်ငံတော်တည်လျက်ကြွလာခြင်းဟူသည့် ၎င်းတို့၏အနက်ရှိုင်းဆုံးသော တောင့်တမှုကို အခြေခံ၍ အသက်ရှင်ရန် သတိပေးခဲ့သည်(ဖိ ၃:၂၀)။ ယေရှုကြွလာခြင်းသည် အရာခပ်သိမ်းကို ပြီးပြည့်စုံစေပြီး ယုံကြည်သူများကို ကိုယ်တော်နှင့်တူစေရန် ပြောင်းလဲပေးလိမ့်မည်(:၂၁)။

တည်မြဲသော ကျေနပ်မှုကို မပေးနိုင်သောအရာကို…

ဒေးဗစ်၏လွတ်မြောက်ခြင်း

အထက်တန်းကျောင်း နပန်းပြိုင်ပွဲ၏ဆီမီးဖိုင်နယ်တွင် ဒေးဗစ်(ဒါဝိဒ်)သည် သူ၏ ညာဘက်နံရိုးကျိုးသွားသည်။ သူသည် ပွဲစဉ်တွင် အနိုင်ရခဲ့သော်လည်း နံရိုးကျိုးသည့်ဒဏ်ရာနှင့် ချန်ပီယံဆုလုပွဲကို ကျော်ဖြတ်နိုင်ခဲ့၍ အံ့ဩမိနေသည်။ဗိုလ်လုပွဲတွင် ‌ဒါဝိဒ်သည် ထိခိုက်ဒဏ်ရာရခြင်းမရှိသော ဘယ်ခြေကိုသာ သုံးခဲ့သည်။ ထို့ကြောင့် သူ့ပြိုင်ဘက်က ပွဲစဉ်တစ်လျှောက်လုံးတွင် ဒေ့ဗ်၏ဘယ်ခြေကိုသာ ပစ်မှတ်ထားခဲ့သည်။ သို့နှင့် ဒါဝိဒ်သည် သူ၏ညာဘက်နံရိုးကို ကာကွယ်ပြီး အနိုင်ရခဲ့သည်။

အခြားသော “ဒါဝိဒ်”တစ်ဦးမှာမူ ခက်ခဲသောအခြေအနေမှ လွတ်မြောက်ရန် လှည့်စားမှုကို အသုံးချခဲ့သည်။ ဒါဝိဒ်သည် သတ်ချင်ဖြတ်ချင်နေသူရှောလုမင်း ရန်ကြောင့် ထွက်ပြေးနေရပြီး၊ ဣသလေလူမျိုး၏ ရန်သူများကြားတွင် ခိုလှုံရာ ရှာတွေ့ခဲ့သော်လည်း၊ မကြာမီမှာပင် သူသည် ဟေဗြဲစစ်သူရဲဖြစ်ကြောင်း ရန်သူဘုရင်ထံသို့ သတင်းရောက်သွားသည်(၁ ရာ ၂၁:၁၁)။ အသက်အန္တရာယ်အတွက် စိုးရိမ်ပြီး၊ ဒါဝိဒ်သည် “ရူးသွပ်ဟန်ဆောင်ပြီး ... တံခါးရွက်ပေါ်၌ ရေးသား၍၊ မိမိတံထွေးကို မုတ်ဆိတ်တွင် ယိုစေ၏”(:၁၃)။ ထိုပရိယာယ်က အောင်မြင်ခဲ့သည်(:၁၄-၁၅)။

ဂုဏ်အသရေရှိသူများအနေဖြင့်…

စစ်မှန်သောဘဏ္ဍာ

ဂျိမ်းစ်သည် အားကောင်းသော သံလိုက်တစ်ခုကို ကြိုးရှည်ဖြင့် ချည်နှောင်ကာ၊ ၎င်းကို နယူးယောက်မြို့ရှိ ရေကန်တစ်ခုထဲသို့ ပစ်ချခဲ့သည်။ ရွှံ့များနှင့်ညစ်ပတ်နေသော ဒေါ်လာတစ်ရာတန် ငွေစက္ကူများအပြည့်နှင့် သေတ္တာတစ်လုံးကို သံလိုက်တုံးမှ ဆွဲယူလာသောအခါ “သံလိုက်တံငါသည်”မှာ အံ့ဩသွားခဲ့သည်။ ရဲက ငွေများသည် ရာဇဝတ်မှုနှင့် မသက်ဆိုင်သဖြင့် သိမ်းဆည်းထားနိုင်ကြောင်း ဂျိမ်းစ်အား ပြောခဲ့သည်။ ငွေစက္ကူအချို့မှာ အခြေအနေ အလွန်ဆိုးနေ၍ ငွေစက္ကူအစစ်ဖြစ်ကြောင်း အထောက်အထား မပြနိုင်သော်လည်း အိမ်တစ်လုံးဝယ်ယူနိုင်ရန်မျှော်လင့်လျက် ငွေများကို တတ်နိုင်သမျှ သူသန့်စင်ခဲ့သည်။

ဝှက်ထားသောဘဏ္ဍာကို ရှာဖွေခြင်းသည် စိတ်လှုပ်ရှားဖွယ်ကောင်းပြီး ထိုအတိုင်းလုပ်ဆောင်ခဲ့သော လူတစ်ဦးအကြောင်းကို ယေရှုက ပုံဥပမာဖြင့် ပြောပြခဲ့သည်။ “တစ်နည်းကား၊ ကောင်းကင်နိုင်ငံတော်သည် လယ်၌ဝှက်ထားသောဘဏ္ဍာနှင့် တူ၏။ ထိုဘဏ္ဍာကိုတွေ့သောသူသည် တစ်ဖန်ဖုံးအုပ်၍၊ ဝမ်းမြောက်သောစိတ်နှင့် သွားပြီးလျှင်၊ ရတတ်သမျှကို ရောင်း၍ ထိုလယ်ကို ဝယ်တတ်၏။” (မ ၁၃:၄၄)။ ထိုသူသည် မိမိတွေ့ရှိသောဘဏ္ဍာ၏တန်ဖိုးကို သိရှိပြီးသကာလ၊ လယ်ကိုဝယ်ယူရန်…

ငြိမ်ဝပ်ခြင်းထဲမှာ

ကျွန်မငယ်စဥ်က ညသန်းခေါင်ယံ နိုးထလာချိန်၌ ဧည့်ခန်းအတွင်း အမေထိုင်နေသည်ကို မကြာခဏတွေ့ရသည်။ မီးအိမ်အလင်းရောင်ကြောင့် သူ့ပေါင်ပေါ်၌ တင်ထားသည့် သမ္မာကျမ်းစာအုပ်ကို မြင်ရသည်။ ကျွန်မမိခင်မှာ အိပ်မပျော်ခြင်းရောဂါနှင့် နာတာရှည်နာကျင်မှုကြောင့် အိပ်ရာဝင်ရန် ခက်ခဲသော်လည်း အချိန်ကို သူအကောင်းဆုံး အသုံးချခဲ့သည်။ ထိုညများ၌ ကျွန်မတို့ စကားမပြောဖြစ်ပါ။ ကျွန်မမှာ အိပ်ငိုက်လွန်းသဖြင့် ခေါင်းတညိတ်ညိတ်နှင့် လေးပင်စွာ လမ်းလျှောက်နေရုံသာ။ သို့သော် အမေက တိတ်ဆိတ်ငြိမ်သက်သော နံနက်စောစောအချိန်များတွင် ဘုရားသခင်နှင့် ဆက်သွယ်ပြီး၊ ဘုရားရှင်က သူ့ကို စကားပြောကြောင်း ကျွန်မသိပါသည်။

ဘုရားသခင်ကို ပိုပြီး အပြည့်အဝ သိကျွမ်းနိုင်မည့်အချိန်များကို မည်သို့ရှာရမည်နည်း။ အိပ်မပျော်သည့်ညတစ်ညကို စောင့်နေစရာ မလိုပါ။ သခင်ယေရှုသည် သူ၏အပေါင်းအဖော်များကို ထားခဲ့ပြီး၊ ခမည်းတော်နှင့်တစ်ဦးတည်း စကားပြောရန် အချိန်ယူခဲ့သည်(မာ ၁:၃၅)။
သမ္မာကျမ်းစာက “ငြိမ်ဝပ်လျက်နေကြလော့။ ငါကား ဘုရားသခင်ဖြစ် သည်ဟု သိမှတ်ကြလော့”(ဆာ ၄၆:၁၀)ဟု ဆိုထားသည်။…

စာနာနားလည်မှု

ကျွန်တော့်ယောက္ခမ ဂျင်မ် သည် ဒုတိယကမ္ဘာစစ်အတွင်း ဥရောပ၌ ဗုံးကြဲလေယာဉ်မှ သေနတ်သမားတစ်ဦးဖြစ်ခဲ့သည်။ လေယာဉ် ပစ်ချခံရပြီးနောက် စစ်သုံ့ပန်းအဖြစ် လပေါင်းများစွာ နေထိုင်ခဲ့ရသည်။ ဂျင်မ်သည် သူ၏အတွေ့အကြုံများကို ပြောခဲသော်လည်း သူ့ကို သိကျွမ်းသူများက စစ်မက်မတိုင်မီက သူသည် အပူပင်မဲ့ ပြုံးပြုံးပျော်ပျော်နေတတ်သော လူငယ်လေးဟု ဆိုကြသည်။ စစ်ပွဲအတွေ့အကြုံ များက သူ့အား စိတ်ခံစားမှုထိခိုက်လွယ်ပြီး အထီးကျန်သူအဖြစ်သို့ ပြောင်းလဲစေခဲ့သည်။

သူ့အတွေ့အကြုံကို နားလည်ရန်ကြိုးစားရင်း ဒေါ်နယ်မေလာ (Donald Miller) ၏ Masters of the Air ဥရောပလေကြောင်းစစ်ပွဲအကြောင်းစာအုပ်ကို ကျွန်တော်ဖတ်ကြည့်ခဲ့သည်။ ထိုစာအုပ်က ဝေဟင်စစ်သည်များ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ‌ပေးဆပ်ခဲ့ရသောတန်ဖိုးများကို နားလည်စေခဲ့ပြီး၊ ကျွန်တော့်ယောက္ခမအပေါ်စာနာမှုကို တိုးပွားစေခဲ့သည်။

ဟေဗြဲဩဝါဒစာရေးသူက ကျွန်ုပ်တို့၏ရုန်းကန်ရမှုများကို နားလည်ရုံသာမက များစွာတွေ့ကြုံခဲ့သူ ကျွန်ုပ်တို့၏ “ယဇ်ပုရောဟိတ်မင်းကြီး” (၄:၁၄) ယေရှုအကြောင်း ရေးသားခဲ့သည်။ ကိုယ်တော်သည် ကျွန်ုပ်တို့အလယ်တွင် နေထိုင်ခဲ့ပြီး…